Novos programas nas emisoras de Loca FM
Para este luns 5 de febreiro estaba anunciado o comezo da nova programación de Loca FM Galicia, programación que como novidade terá dous programas en emisión rexional. O primeiro comeza as 12.00 horas apresentado polo locutor vigués Oliveira baixo o orixinal nome De casi todo un poco onde combinará durante 2 horas música xoven con información, deporte, cultura, cotilleos e política. Máis tarde, ás 14.00 horas chegará o locutor David Expósito co programa Fórmula Loca onde durante outras 2 horas emitirá as novidades da música de baile xunto con información das últimas noticias e o estado das estradas e accesos ás grandes cidades de Galicia. Loca FM Galicia pertence ao Grupo Galicia Media Comunicación, dirixido por Ignacio Porta e conta con 7 emisoras repartidas polo territorio galego empregando frecuencias de modo ilegal sen concesión.