VigoRadio

Despois do fallido intento de Eugenio Eiroa de regresar á radio da man de Manuel Outerelo en Antena 5 Radio na pasada primavera, desta vez sí o conseguíu coa pequena cadena de radio local Si Galicia Radio, rexida por Gabino Porto. Dende o pasado 18 de setembro está en antena no programa Cada Día, un magazine informativo matinal que arranca ás 8 da mañá e fina ás 10 horas.
Leer mais »

Hai un ano aqui en VigoRadio xa o anunciabamos: “Circulaban en Vigo rumores na noite de onte sobre Televigo e os graves fallos que detectados na solicitude presentada ante a Xunta para acceder a unha licencia de TDT“. Agora vía VM, que publica un comunicado do director xeral de Comunicación Audiovisual da Xunta, nos confirman a razón pola que Televigo fica sen licenza de TDT local e que nós o 6 de xullo de 2005 xa comentabamos.
Leer mais »

Segundo Vieiros, o BNG votou en contra das adxudicacións das televisións dixitais de cobertura local no Consello da Xunta que se celebrou onte. Tanto o vicepresidente, Anxo Quintana, como os conselleiros nacionalistas manifestaron o seu desacordo en que a maior parte das adxudicacións fosen para os grupos Prisa (Localia) e Prensa Ibérica (Faro de Vigo e La Opinión de A Coruña), deixando fóra a empresas do país. Por outra banda a canle privada local viguesa, Televigo, declara batalla xudicial por non recibir licenza de TDT en Vigo.
Leer mais »

Como apuntabamos onte Prisa (Localia) e Prensa Ibérica (Faro de Vigo e La Opinión de A Coruña) son os principais beneficiarios no mapa da televisión dixital local. Localia, que concursaba a través de diversas empresas, terá emisión nas sete principais cidades de Galicia e o grupo do Faro de Vigo accede a catro cidades: Ourense, Vigo, Pontevedra e Santiago. Varias emisoras locais que funcionaban de xeito estábel en analóxico, como Televigo, deberán pechar emisión ao non recibir ningunha licenza. En Vieiros explícano máis polo miúdo.

O Consello da Xunta celebrado no día de hoxe, aprobou as 49 licencias locais da televisión dixital terrestre (TDT) correspondentes a Galicia repartidas en 21 demarcacións comarcais. Na bisbarra de Vigo resultaron agraciadas as empresas Faro de Vigo S.A.U., Utega S.A. e Rías Baixas de Produción con unha licencia para operar en TDT. Na bisbarra de O Condado foron novamente Rías Baixas de Produción e Josefa López Pousa.
Leer mais »

Segundo publica Galicia Hoxe, durante a súa comparecencia perante a Comisión de Control da CRTVG no Parlamento de Galiza, Benigno Sánchez, director xeral do ente público, asegurou que a televisión pública galega está a ser sometida a un profundo cambio. Ademais, afirmou que antes da fin de 2006, a TVG disporá dunha segunda canle.

Ponte… nas ondas! voltará unir as voces dos tres continentes na xornada radiofónica do 26 maio. A fórmula que consolidou a experiencia de comunicación e que lle fixo acredora de dous recoñecementos recentes como o Premio Galicia de Comunicación por parte da Xunta de Galiza e dos Bos e Xenerosos por parte da Asociación de Escritores en Lingua Galega voltará a repetirse nesta XII edición.
Leer mais »

A nova canle privada en analóxico e TDT a nivel estatal, laSexta TV, comezou hoxe a emitir para Vigo dende o Centro Emisor de Abertis Telecom no Meixoeiro, na parroquia de Lavadores, Vigo. Tal e como anunciabamos no seu momento, as emisións son pola canle 50 de UHF, e estas adiantáronse ao previsto ofcialmente para o 19 de maio.
Leer mais »

A falta de compromiso das propias operadoras e dos fabricantes no desenvolvemento da tecnoloxía necesaria e a súa lenta introdución no mercado son o argumento fundamental co que a Xunta de Galicia explica a súa decisión de onte de declarar deserto o concurso para a concesión das frecuencias para as emisoras radiofónicas dixitais (DAB).
Leer mais »

Desta semella se-la boa. O ruxe-ruxe que circulaba no último mes pola escena radiofónica viguesa entorno ao regreso do xornalista, conferenciante e blogueiro Eugenio Eiroa (ex-Radio Vigo) ás ondas de radio parece que se confirma finalmente. Así o recolle o confidencial de VigoMetropolitano.com no día de hoxe. Eugenio Eiroa regresa á radio o próximo día 15 de maio enrrolado nesa embarcación sen rumbo e con bandeira pirata chamada Antena 5 Radio.
Leer mais »